Baloon Safari in Serengeti

​Washindi wa tuzo za American Got Talent, ambao ni wasanii katika mchezo wa sarakasi, Ramadhani Brothers walifikisha tuzo hiyo katika Hifadhi ya Taifa Serengeti tarehe 07.04.2024 baada ya kuifikisha katika kilele cha Mlima Kilimanjaro tarehe 03.04.2024

​Ramadhan Brothers, vijana wataalam wa sarakasi za “head to head balance” maarufu kama “Ngata” na washindi wa tuzo za America’s Got Talent 2024 walifanikiwa kufika juu ya kilele cha Uhuru mita 5985 kutoka usawa wa bahari, ambacho ndio kilele kirefu zaidi barani Afrika kilichopo juu ya Mlima Kilimanjaro tarehe 03.04.2024. Vijana hao waliamua kupanda mlima kupitia njia ya Marangu safari ambayo iliandaliwa na Shirika la Hifadhi za Taifa Tanzania (TANAPA) kwa kushirikiana na kampuni ya Utalii ya Zara Advanture.

Bodi ya wadhamini Shirika la Hifadhi za Taifa Tanzania (TANAPA) inayoongozwa na Mwenyekiti, Jenerali (Mstaafu) George Waitara , ilizindua Ofisi mpya ya Makao Makuu ya Kanda ya Kusini - TANAPA yaliyopo wilayani Mbarali Mkoani Mbeya tarehe 28.04.2024. Sherehe hizo za uzinduzi Jenerali Waitara aliambatana na Wajumbe wa Bodi ya TANAPA, Mkuu wa Wilaya ya Makete Juma Samwel Swedi, Kamishna wa Uhifadhi - TANAPA na viongozi wengine Waandamizi wa Chama na Serikali. Jengo hilo lina jumla ya Ofisi 19, Ukumbi mmoja wa kisasa wa Mikutano wenye uwezo wa kubeba watu zaidi ya 100 na Maktaba moja. Ofisi hiyo imegharimu jumla ya kiasi cha shilingi millioni 891.